2019-2020

HERRIKO LIBURUTEGIAN

Gaur arratsaldean herriko liburutegian izan gara.  Bertan Gorka zegoen, eta honen ohar eta azalpenak entzun ondoren gustura ibili gara liburuak aukeratzen eta ikusten. Azkenean saioa oharkabean pasa zaigu eta liburu gehiago ikusteko gogoz geratu gara. Beno, arratsaldetan irakurketa saiotxo bat egitea ez da plan txarra. Animatu gurasoekin edo lagunekin liburutegira joaten!!!

2019-2020

LEHEN HEZKUNTZAN GAUDE!

Ikasturte berria hasi dugu! Goiko pisura igo gara eta pozik gatoz gure motxila berriekin. Gure gela pasilo bukaeran aurkitzen da, bigarren mailako bi gelak pasa ondoren. Gela argitsua da eta itsasoko ikuspegi ederra daukagu bertatik. Gauza berri asko ditugu ikasteko : eguneroko ordutegia, jolas-garaiko guneak, artxibadorea eta agendaren erabilpena… Baditugu irakasle berriak ere : Carlosek soinketa ematen digu, Aitorrek gaztelera, Zaloak ingelesa; musika berriz Ixiok ematen digu baina HHtik ezagutzen dugu. Tutoretza Begori dagokio, ihaz talde erdia berarekin ibili ginen eta beste erdia Ainhoarekin. Zutaz gogoratzen gara Ainhoa!                        Hona hemen taldeko argazkia :

Aritz Iranen izan zen udako oporretan bere familiarekin eta bertako gozoki batzuk ekarri zizkigun dastatzeko. Oso goxoak zeuden!

Dagoeneko ospatu ditugu bi urtebetetze : Erikena eta Unai Vargasena. Hemen ikusten ditugu poz-pozik beraien tartarekin.

 

Albiste txar batekin ere egin genuen topo : Djibril Senegalera bueltatzen zela. Hasiera batean oso triste jarri ginen baina gero buelta eman genion eta agur esateko festatxo bat ospatu genuen. Gailetak eta txokolatea jan genituen eta gelako batzuk marrazkiak oparitu zizkioten. Lasai Djibril, whasapetik kontaktuan jarraituko dugu eta!

 

 

Joan zen ostiralean Donostiako Zinemaldira joan ginen “Tximinoen erresuma” filma ikustera. Gozatu genuen hain pantaila handiarekin!

Irten ginenean, hamaiketakoa jan genuen eta gero autobusa hartu genuen Orioko hondartzara joateko. Parkean jolastu ondoren, bazkaldu genuen eta inguruan dauden animaliak bisitatu genituen. Egun ederra pasa genuen eta neka-neka eginda geundenez, batzuk siesta ederra egin genuen etxera bueltako autobusean.

 

 

2018-2019

Pasaiatik Getariara…

Pasaiatik etorri zitzaizkigun, bai, Kattalinen osaba-izebak gurekin astearte arratsaldea pasatzera.

Egun berezia izan genuen asteartea: goizean irakurlagun eta arratsaldean… sorpresa!

Oso saio polita eskeini ziguten Oihane eta Iñakik…

Hasteko, kantu saioa egin genuen, guretzako prestatu zituzten koplak abestuz.

Eta ondoren, …eskulanak!

 

Zertan ari ote garen asmatzen al duzue?

Hara! Armiarmak!!

Ez dira batere beldurgarriak, ezta?

 

 

Xelebreak, benetan!

Armiarma koloretsuz bete genuen gela

Ooooso ondo pasa genuen!

Eskerrik asko, Oihane eta Iñaki!!!

Sailkatu gabea

EGUNEKO ZENTROAN

OPOR AURRETIK IZAN GINEN, BAI, EGUNEKO ZENTROAN , APIRILAREN 10EAN, HAIN ZUZEN.

LH1.B TALDEA JOAN GINEN ORAINGOAN.

HORRELA ZUTEN APAINDUA PARETA, ETA GUK PRESTATUTAKO EMANALDITXOA ERE UDABERRIAREN INGURUKOA ZEN.

BEREZIKI UDABERRIKO BIXITARI BAT IZAN GENUEN PROTAGONISTA: KUKUA!

ASMAKIZUNA, KANTAK, LAZKAO TXIKIREN BERTSOA ETA TXISTEAK…AURKEZTU GENIZKIEN ETA HAIEK ERE PARTE HARTU ZUTEN, GUSTURA ASKO!

DANTZA ERE EGIN GENUEN, KAXIANOREN KUKUA KANTAREKIN…


AZKENEAN GURE MARRAZKIAK OPARITU GENIZKIEN, LAZKAO TXIKIREN BERTSOAREKIN



ONDO PASA GENUEN ETA GUSTURA GERATU GINEN DENOK.
ONDO ONDO SEGI ETA HURRENA ARTE!
LAISTER IZANGO DITUZUE HOR LH1.A TALDEKOAK…

 

2018-2019

Azkeneko bisitak lanbideen inguruan

Hemen gaude gurasoen lanbideen inguruko azken berriak emateko.

Edito, zaharren egoitzeko zaintzaile langilea, egon zen gurekin eta bere eguneroko lanaren inguruan argibide batzuk eman zizkigun.

Oso gustora aritu ginen berriketan berarekin.

Esperientzia polita.

 

Xabier eta Jaione ere gurekin izan ziren.

Xabier inportazio eta exportazio enpresa batean egiten du lan. Bere lanaren inguruko xehetasunak azaldu zizkigun eta praktikan ipini genituen berak erakutsitako hainbat gauza.

Pentsa ezazue zenbat ikasi genuen… Angolarako pakete batzuk prestatu genituen eta… Xabierrek ekarritako materialekin eta garraiolari zerbitzu bidez bidali genituen gure paketeak.

 


Jaionekin ere oso gustura aritu ginen solasaldian. Bera harakin bezala egiten du lan merkatal zentro handi batean.

Gauza asko kontatu zizkigun txahal haragiaren inguruan. Guk gure aldetik ere galdera asko egin genizkion eta oso gustura egon ginen elkarrizketa luzean.

Solasalditxo hauekin amaitzeko Iker etorri zaigu bere lanbidea azaltzera, mantenu teknikari bezala egiten du lan Getariako kirol portuan.

Xehetasun guztiak azaldu dizkigu eta aho zabal ehon gara bere azlapenak entzuten. Hitz berriak ikasi ditugu, eta haien artean pantalana gelditu zaigu burmuinean…eskerrik asko Iker!!!

Sailkatu gabea

BERRIZ ERE DENOK SUKALDARI!

DENOK SUKALDARI, BAI, BAINA ORAINGOAN PROFESIONAL BATEKIN: ENRIQUE SUKALDARIAREKIN. 

BERE LANBIDEAREN BERRI EMATERA ETORRI ZITZAIGUN PAULAREN AITA ETA SAIO PRAKTIKOA ESKEINI ZIGUN: MARRUBI TARTA EDO PASTELTXOA EGITEN IKASI GENUEN.
DENOK EGIN GENUEN GURE PASTELTXOA…
EZ AL DUTE ITXURA EDERRA?
MMMMMM!!! IZUGARRI ONAK ZEUDEN, BAI!
SAIO INTERESGARRIA ETA DIBERTIGARRIA IZAN ZEN.
BI PROIEKTUETAKO GAIAK LOTU GENITUEN GAINERA: LANBIDEAK ETA ELIKADURA.
ESKERRIK ASKO, ENRIQUE!!!