2019-12-03

Gaur, abenduak 3, Iturzaetako ikasle eta irakasle guztiak (HH2-LH6) herriko plazara jaitsiko gara 15:15ean Euskararen Nazioarteko Eguna ospatzera. Gogoratu 16:00etan plazan bertan jaso behar dituzuela zuen haurrak.

2019-11-30

Iturzaetan “Lau teilatu” abestiaren bertsioa sortu dugu. Horrela, bat egin dugu Haurren minbiziaren ikerketarako eta sentsibilizaziorako abiatu den EITBren ekimen solidarioarekin. 

Getariako Iturzaeta herri eskolakoen ‘Lau teilatu’ abestiaren bertsioa

2019-11-26

Datorren asteartean, abenduaren 3an, herriko plazara jaitsiko gara Iturzaeta Herri Eskolakoak Euskararen Eguna ospatzera. Honakoa da aurreikusten dugun egitaraua:

 

  • 15:15: herriko plazara jaitsiera txistulariekin batera.
  • 15:30: ekitaldiaren hasiera.
  • 15:40: abestiak eta dantza: Argitxo, Behin betiko, Euskara plazara, Ahoa bizi belarriak prest eta Gora euskara.
  • 15:50: musika gehiago: muxikoak, fandango/arin-arin…

 

 Animatu eta dantzatu gurekin batera! Hementxe duzue “Gora Euskara” abestiaren koreografia.

 

OHARRA: Gurasoek eta autobusak plazan bertan jasoko dituzte ikasleak 16:00etan. Eguraldi txarra egiten badu Eskolako atarian geratuko gara. Aldez aurretik jakinaraziko zaizue.

2019-11-26

Gaur, azaroak 25, Emakumeen Aurkako Indarkeriaren Kontrako Nazioarteko Eguna den honetan, eskolako atarian elkartu gara Iturzaeta Herri Eskolako kideak. “TRATU ONA, GUZTIONA” leloa aldarrikatu dugu edonorenganako indarkeria gainditzeko bide bezala.

http://www.artzape.eus/2019/11/25/iturzaeta-herri-eskolan-emakumeen-aurkako-indarkeriaren-nazioarteko-eguna-ospatu-dute/

2019-11-19

Gaur goizeko 10:00ak inguruan alarma abisua entzun da Iturzaeta Eskolan. Geletako leihoak eta ateak itxi ondoren, ilaran atera dira ikasle eta irakasleak larrialdi irteeretatik. Larrialdi planean jasota dagoen bezala, Eskolako atarian bildu gara denok larrialdi-buruaren eta solairu koordinatzaileen argibideei jarraituta. 6 minutu eta 22 segundo behar izan ditugu eraikina hustutzeko. Gaurkoa simulakroa izan da, baina prest gaude benetako larrialdi egoera bati aurre egiteko ere!

 

2019-11-08

Familia agurgarriak:

Ikastetxearen “Antolaketa eta Jarduera Araudian” gehitu den puntu berri baten
inguruan informatzeko idazten dizuegu.

Gero eta gehiago dira ikastetxera telefono mugikorrak eta “Smart” erlojuak ekartzen
dituzten ikasleak. Hori dela eta, 2019ko urriaren 30ean deitutako Eskola Organo
Gorenaren bilkuran horien erabilera arautu eta honakoa jasotzea adostu zen:

“Debekatuta dago ikasleek Smartwatchak, telefono mugikorrak eta tabletak
ikastetxera ekartzea. Salbuespen gisa, eta familiak idatziz justifikatzen badu, aparatua
ITZALITA ekarri ahal izango da. Kasu horretan, idazkaritzan utzi beharko da Eskolan
sartu bezain laster eta bertan gordeko da ikaslea ikastetxetik irten arte.

Horrela ba, Eskolako eraikuntza barruan, ikasleek ezin izango dituzte mota horretako
gailuak erabili, irakasleak curriculumean jasotakoaren arabera, jardueraren bat
egiteko eskatzen ez badu behintzat.

Irakasleak arduratuko dira, beraz, ikastetxe barruan argazkiak atera eta bideo
grabazioak egiteaz. Dokumentazio hori ikastetxearen webgunera edo/eta blogetara
igoko da, irudi-baimenak kontuan izanda.

Familiek ezin izango dute eskola eraikin barruan bideorik grabatu ezta argazkirik atera
ere. Halere, salbuespen gisa, honako kasuetan baimena izango dute kamerak
erabiltzeko: aretoan, eskolako atarietan eta kiroldegian egiten diren emanaldietan.

Erabaki honekin bat egingo duzuelakoan,

Zuzendaritza

2019-11-08

Familia agurgarria:

Datorren asteazkenean, azaroak 13, Adimen Gaitasun Handiko ikasleen inguruko formazio
saioa izango dugu Eskolan. Hasiera batean irakasleentzako formazio bezala antolatu badugu
ere, gaiaren garrantzia ikusita, gonbidapena familiei ere luzatzea erabaki dugu.
ZER: Formazioa: Adimen Gaitasun Handiko ikasleak.
NOIZ: azaroaren 13an, asteazkena, 16:10ean.
NON: Eskolako informatika gelan
Interesa baduzue, bertan elkar ikusiko dugulakoan,

ZUZENDARITZA

2019-11-07

Familia agurgarria:

Ikasleren batek urteak betetzen dituenean, gelakideekin ospatzeko ohitura daukagu Eskolan.
Ospatzeko moduak, ordea, zalantzak sortu dizkigu azken bi ikasturteetan. Iaz Behatokian
ikasleekin egindako hausnarketak ez zuen fruiturik eman. Ikasturte honen hasieran, Guraso
Bileretan gaia atera da berriz, eta honen aurrean, Eskolak irizpide bateratua hartzea erabaki
du.
Hala, urriaren 26ko Klaustroan eta urriaren 27ko Ordezkaritza Organo Gorenean (OOG),
gehiengoz, honako hau erabaki da:
-Urtebetetze ospakizunetarako ezingo da litxarreriarik edo goxokirik ekarri Eskolara. Hauen
ordez, bizkotxoa edo antzerako zerbait ekarri ahal izango da. Neurri honek Haur Hezkuntza eta
Lehen Hezkuntza osoa hartzen ditu bere baitan.
Hartutako erabakiak zuen adostasuna izango duelakoan,

 

                                                      ZUZENDARITZA

2019-10-01

2019-09-24

ZINEMALDIRA  IRTEERA

 

Datorren ostiralean, irailaren 27an, Donostiako Zinemaldia dela eta, Lehen Hezkuntzako ikasleak TXIMINOEN ERRESUMA filma ikustera goaz.

IRTEERA:     9:00etan ESKOLAN

ITZULERA: 16:00etan ESKOLAN  (1-2 mailak)

                    16:00etan FRONTOIAN  (3-4-5-6 mailak)

Pelikula ikusi ondoren 1. eta 2. mailakoak Oriora joango gara autobusez.

3.mailatik 6. mailara bitartekoak, berriz, oinez Zarauzko Zubi-Ondotik Getariara.

Guraso Elkartearen laguntzari esker, irteera doan izango da Zanbukako bazkideentzat; besteei 5€ kobratuko zaizkie kontutik.

OHARRA:

  • Egun osorako ekintza denez, hamaiketakoa, bazkaria eta ura eraman behar dute.
  • 9:00etan ikasleak areto aurreko eremuan elkartuko dira, geletara igo beharrean. Autobusa agurtzen geratu nahi duten gurasoak, Eskolako hesiaren kanpoaldean itxaron, mesedez.

 

TUTOREAK

Iturzaeta Herri Eskola
telefonoa943.140.729
helbidea
Sahatsaga 16, 20808 GETARIA
  • Kokapena
    Lege oharra | Pribatutasun politika | Cookie Politika